സ്ഫടികതുല്യമായ മനസ്സുള്ള ലേഡിനി
രംഗം 1 സ്ഫടികതുല്യമായ മനസ്സുള്ള ലേഡിനി.
വെടിപൊട്ടുന്നത് ഒരു സിഡി പ്രശ്നത്തിലാണ്. സിനിമകളെകുറിച്ച് ജഞാനമില്ലാത്തവന് സാക്ഷരനാകാന് തീരുമാനിച്ചപ്പോള് തൊടുത്ത ഒരു വാചകത്തില് നിന്നാണ് പ്രശ്നേപ്രശ്നോല്പ്പത്തി. മാഡം ലേഡിനി പുറത്തേക്കു പോകാനൊരുങ്ങുമ്പോള്..
ഡീ, രണ്ടു മൂന്നു സിനിമേഡെ സിഡി വാങ്ങിക്കൊണ്ടുവരണം. പിന്നെ കുറച്ചു ബുക്സും. ഫുള്ടൈം ബുജിയാകാന് തീരുമാനിച്ചു.
ലേഡിനിയുടെ മുക്കു ചുവക്കുന്നു. കണ്ണില് എന്തോ ഫ്ലാഷ്ബാക്ക് മേഘ സന്ദേശമല്ല. അവളുടെ മേഘ സന്ദേശം ഇങ്ങനല്ല. ഒരുങ്ങി സ്വയം തൃപ്തിയാകാതെ വന്നു ചുറ്റിത്തിരിഞ്ഞു. ഒന്നു രണ്ടു തവണ കുമാര്ജിയുടെ മുഖത്ത് സൂക്ഷിച്ചു നോക്കുന്നു. മാഡത്തിന്റെ കണ്ണാടി കുമാര്ജിയുടെ മുഖമാണ്. തൃപ്തിയായി പോയതാണ്. ഇനിയെന്തായാലും മേഘസന്ദേശം വരില്ല. വന്നാലും പെര്ഫക്ഷനിസ്റ്റിനു സമയം കീപ്പ് ചെയ്യണം. അപ്പോള് പിന്നെന്താരിക്കും ഭരദൈവങ്ങളേന്നു വിചാരിക്കുന്നതിനു മുന്പ് ആയുരാരോഗ്യസൌഖ്യത്തിനു വെടി പൊട്ടി. വലിയ വെടി ഒന്ന്.
യാത്രയും മെഡിറ്റേഷനിലിരുന്ന പെണ്ണും അവളുടെ മുഖവും അവള് പറഞ്ഞു തന്ന ബുക്സും സിഡിയും അതു മതി..
ലേഡിനി പടക്കത്തിന്റെ മൂട്ടില് തീ കൊളുത്തിയതേയുള്ളൂ. തൊട്ടു പിറകെ കുമാര്ജിയുടെ നല്ല നടപ്പിന് ചെറിയ വെടി നാല്.
സ്ഫടികതുല്യമായ മനസ്സുള്ള അവളില്ലേ, അവള് വാങ്ങിത്തന്നില്ലേ.. അതു മതി. അതു നോക്കി നിന്നില്ലേ..അത് പബ്ലിക്കായി എഴുതിയില്ലേ, അതോടെ തീര്ന്നു. ഇനി സിഡീമില്ല ഒരു കുന്തോമില്ല.
ഒരു പേരു വിളിച്ചോട്ടെടീ?
എന്തോ പേര്? അവളുടെ പേരും ചോദിച്ചോ?
പൊട്ടിക്കാളീ..
സോപ്പിടണ്ട. എനിക്കറിയാം. നിങ്ങളെ അകംപുറമെനിക്കറിയാം. എനിക്കെത്രയായാലും എങ്ങനെ കണ്ടാലും തരക്കേടില്ല. ബട്ട് ദാറ്റ് അറ്റിട്യൂഡ് ടു റൈറ്റ് ആന്ഡ് സ്നാപ്പ്. വിച്ച് ഐ ക്യാന്റ് അസപ്റ്റ്....
രംഗം 2. കുറ്റവും ശിക്ഷയും.
പണിയെടുത്തു പണ്ടാരമടങ്ങുമ്പോള് ഫോണ് ആചാരവെടിയുടെ ശബ്ദമുണ്ടാക്കുന്നു. മറുതലയ്ക്കല് ലേഡിനി.സിനിമയിലെ യുദ്ധസീന് പോലെ ബോംബ് വീഴുന്നു.പൊട്ടിത്തെറിക്കുന്നു.
നിങ്ങള് സ്ത്രീകളെ കളിയാക്കിയെഴുതും ഇല്ലേ?
ലേഡിനി സീരിയസ്സാണ്. ബഹുത് സീരിയസ്സ്. കോപോത്തുംഗമായ രോഷാകുലയാണ്.
ഞാനന്നുറങ്ങീട്ടില്ല, ഇതൊന്നും പറഞ്ഞാല് മനസ്സിലാവില്ല. യൂ ഷുഡ് ഗോ ത്രൂ ഓള് ദീസ് ടു അണ്ടര്സ്റ്റാന്ഡ്.
രാപകലില്ലാതെ പണിയെടുക്കുന്ന പ്രസ്ഥാനം ഉറങ്ങിയില്ലെന്നോ. അപ്പോള് സംഭവം ഗുരുതരം. അതീവഗുരുതരം. പതിവു വായന, പാചകം, വാചകം എല്ലാം അഫക്ടഡ്. കുക്കിനിയും കൂടിയായ ലേഡിനി ഇതു തന്നാരിക്കും രണ്ടു ദിവസം തലയിലിട്ടു കുക്കിക്കൊണ്ടിരുന്നത്. പെര്ഫക്ഷനിസ്റ്റിന്റെ ഐഡിയലിസ്റ്റിക് വികാരം സത്യസന്ധം. വേട്ടക്കാരുടെ ലോകത്ത് ഇരയാകാതെ പൊരുതി ഒറ്റയ്ക്കു ജീവിച്ച ലേഡിനിയാണ്. പൊട്ടിത്തെറിക്കവസാനം ഫോണ് ക്രാഡിലിലും പൊട്ടിത്തെറിക്കുന്നു. മൂക്കിന്ററ്റത്തു ശുണ്ഠിയുള്ള ലേഡിനിയുടെ മൂക്ക്. മൈ ഡിയര് മൂക്ക്. ആ മൈ ഡിയര് മൂക്കാണ് എഴുത്തു കാരണം പൊട്ടിത്തെറിക്കുന്നത്. ദിസ് ഷുഡ് ബീ സ്റ്റോപ്ഡ്.
ചാക്യാരു മുടിയഴിച്ചു.
എന്തോന്ന് എന്തോന്ന്? ആടെന്നു പറയുമ്പോ ആടലോടകമെന്നു പറയുന്ന നമ്പറു കൈയ്യിവെച്ചാ മതി.
ഡീ ചാക്യാരു മുടിയഴിച്ചാല് പിന്നെ കൂത്തില്ല.
എന്നു വെച്ചാ?
പേന താഴ്ത്തി. എഴുത്തു നിര്ത്തി.
സംഭാഷണം നിശബ്ദതയിലവസാനിക്കുന്നു.
അല്പ്പസമയത്തിനു ശേഷം ഫോണ് വീണ്ടും ആചാരവെടി മുഴക്കുന്നു. മറുതലയ്ക്കല് സ്വന്തം ലേഡിനി.
ഐ ഡോണ്ട് ഹാവ് മോര് ടു സേ.
വീണ്ടും നിശബ്ദത
കുറച്ചു കഴിഞ്ഞ് വീണ്ടും ആചാരവെടി.
ഐ ഹാവ് ഒണ്ലി ഒണ് റിക്വസ്റ്റ് ടൂ മേക്ക്, ഡോണ്ട് ഡു ദാറ്റ്.
ഐ ഡോണ്ട് വാണ്ട് ടൂ മിസ്ലീഡ് സൊസൈറ്റി വിദ് ആന്റി സോഷ്യല് റൈറ്റിങ്ങ്.
ചെവിയോര്ത്തു. ഫോണ് പൊട്ടിത്തെറിക്കുന്നില്ല. മൈ ഡിയര് മൂക്ക് വേവലാതിയിലായി. പാവം.
വീണ്ടും ഫോണ്.
അങ്ങനൊന്നുമില്ലാന്നേ..ഞാന് അങ്ങനൊന്നും പറഞ്ഞിട്ടില്ല. നിങ്ങളെ പോലുള്ളവരെഴുതുമ്പോ ക്രഡിബിലിറ്റി കൂടും. അതല്ലേ പറഞ്ഞേ
മാഡത്തിന്റെ മോട്ടീവ് സ്നേഹം മാത്രമാണ്. പൂവിന്റെ മണമുള്ളവളെ, ബേബിസോപ്പുപയോഗിച്ച് കുളിക്കുന്നവളെ സത്യവും മണക്കുന്നു. എക്സൈറ്റിങ്ങ്! കൂടെ കുറ്റബോധവും.
ഫോണടിക്കാത്ത മണിക്കൂറുകള്ക്കു ശേഷം വീണ്ടും ലേഡിനി ലൈനില്
വിളിക്കാതിരുന്നതിനു നന്ദി!
ഗൌരവം വിടാതെ പറഞ്ഞു
വരവു വെച്ചിരിക്കുന്നു
ആത്മഗതമിങ്ങനേം.
ആന്നെടീ, വിളിക്കുമ്പോ ലോകത്തില്ലാത്ത തിരക്കും വിളിച്ചില്ലേല് ഫോണിന്റെ ചുവട്ടില് നിരാഹാരോം.നിനക്കു ഞാന് വെച്ചിട്ടുണ്ട്. എടീ ഇഡിയറ്റ് നിന്റെ ചിന്തയുടെ പാറ്റേണ് ഇതാ നിന്റെ വാക്കില്
ദേഷ്യം പിടിച്ചിനി അതു വല്ലോം ചെയ്യുമോ.. ചൂടാവണ്ടാരുന്നു. അല്ലെലെനിക്കെന്താ.. ഞാന് സത്യസന്ധമായും ആത്മാര്ത്ഥവുമായാണ് പറഞ്ഞത്. (ദാറ്റ് കോള്സ് എ കിസിഞ്ചര് ലേഡി. ആ ഡയലോഗ്. സത്യസന്ധതയുടെ മൂക്കിന്ററ്റത്തു ശുണ്ഠിയുള്ള സുന്ദരമുഖം.)
കുറച്ചു കഴിഞ്ഞ് വീണ്ടും..
കാളീഭക്ത കൃഷ്ണഭക്തയും ശംഭുഭക്തയുമാകുന്നു. ചുണ്ടില് നാമജപം.
സമയത്തെന്തേലും കഴിച്ചു കാണുമോ എന്തോ?
ഈ ദേഷ്യത്തിനിനി എന്തൊക്കെ കാണിച്ചുകൂട്ടും.
വീണ്ടും നാമജപം.
കോപോത്തുംഗത്തീന്നു ടെന്ഷനോത്തുംഗത്തില് കയറിക്കാണും. പാവം മൂക്കിനി എന്തു ചെയ്യുവാണോ എന്തോ? കുറ്റമേറ്റു. ഏത്തമിടണോ, ഇംപോസിഷനെഴുതണോന്നു ക്വറി മേഘദ്വാരാ ചെന്നപ്പോള് അടുത്ത നിമിഷം മഹിഷാസുരമര്ദ്ധിനി ലൈനില്.
വല്ലോം കഴിച്ചാരുന്നോ?
(ആത്മഗതന്.. ബാക്കിയെല്ലാം അപ്രസക്തം. അല്ലേടീ.. എയറു പിടിച്ചു നടക്കുന്ന ഇഡിയറ്റ്)
ഉം..
എന്താ കഴിച്ചേ..
മറുപടി.
വാരിവലിച്ചു തിന്നു തടികൂട്ടാനാണോ? ഈ മനുഷ്യന് എത്ര പറഞ്ഞാലും കേള്ക്കില്ല. വാരിവലിച്ചു തിന്നോ എനിക്കെന്താ
ലേഡിനി വീണ്ടും കോപാകുലയാകുന്നു. വെടി പൊട്ടിക്കുന്നു..
ഫോണിന്റെ ഇങ്ങേത്തലയ്ക്കലും വെടിപൊട്ടുന്നു. പൊട്ടിച്ചിരിയുടെ വെടി.
എന്തിനാടീ നീ ഇത്രേം പഠിച്ചേ. മുന്പ് പറഞ്ഞ സ്ഫടികതുല്യമായ മനസ്സുള്ള പെണ്ണിനേ കാണണോ കണ്ണാടീടെ മുന്പില് പോയി നോക്ക്.
സോപ്പ് കൈയ്യില് വെച്ചാമതി.
വെച്ചു. എന്നിട്ട് ഏത്തമിടണോ അതോ ഇമ്പോസിഷനെഴുതിയാ മതിയോ?
ലേഡിനി ചിരിക്കുന്നു.
അതൊന്നും വേണ്ടാന്നേ, ഇന്നു ബോര്ഡ് വെച്ചു
എവിടെ?
വാതിലില്.
എന്തോ ബോര്ഡ്?
നോ എന്ട്രി. സ്ത്രീവിരോധി പുറത്തു കിടന്നാ മതി.
(നീയാടീ ഭാഷാപടു. വ്യംഗം പൂര്ണ്ണമാകണേല് സായിപ്പിന്റെ ഭാഷയില് എന്ട്രി എന്നു തന്നെ ഉപയോഗിക്കണം.മുത്തുഗവ് പോലും തരാത്ത ദുഷ്ടേ! )
ക്രൂരേ കശ്മലേ, കണ്ണീനില് അനീമിയ ബാധിച്ചവളേ ഇതാന്നോടീ ശിക്ഷ. സസ്പെന്ഷന്? അപ്പീലുണ്ടോ? ബ്ലാങ്കെറ്റില്ലാതെ എങ്ങനെ ഉറങ്ങുമെടീ?
ഇല്ലാന്നേ, ഇടയ്ക്കു പുറത്തു കിടന്നില്ലേ, നിങ്ങള്ക്കേ അഹങ്കാരം കൂടും...
ഒറ്റയ്ക്കു കിടന്നാല് ദുസ്വപ്നം കാണും,
വേറാരുമല്ല, നിങ്ങള്.. വേല കൈയ്യിലിരിക്കട്ടെ.
രംഗം 3.
ഏകാന്തതയുടെ അപാരതീരത്തില് ഖേദപൂര്വ്വം ഉറങ്ങാന് പോയ കണവന് രാവിലെ കണ്ണു തുറന്നു നോക്കിയപ്പോള് കണിയായി കഴുത്തില് കൈ ചുറ്റി നെഞ്ചില് മുഖമമര്ത്തി സുഖമായുറങ്ങുന്ന ലേഡിനി.
കുലുക്കി വിളിച്ചു,
ഇതാണോടീ ശിക്ഷ?
ദുഷ്ടനാണേലും പാവമല്ലേന്നു വിചാരിച്ചാ, ശല്യപ്പെടുത്താതേ, കുറച്ചുനേരം കൂടെ കിടക്കട്ടെ.
പഴയ താറാക്കുഞ്ഞും കോഴിക്കുഞ്ഞും കഥയിലെ കോഴിക്കുഞ്ഞിനേ പോലെ പറഞ്ഞു.
എന്നാ ഞാനും -)
ലേഡീനി തവസുപ്രഭാതം ശുഭം.
